“1FUTURE”/ Vizita studimore në Universitetin IUAV të Venecias dhe takimi midis partnerëve të projektit

Dhoma e Tregtisë dhe Industrisë Tiranë mori pjesë së fundmi në një vizitë studimore në Universitetin IUAV të Venecias, në Itali, në kuadër të projektit #1FUTURE, pjesë e programit Erasmus+.

Vizita përfshiu diskutime mbi zhvillimin e qëndrueshëm, kërkimin shkencor, programet e mobilitetit etj. U prezantuan praktikat novatore të IUAV në lidhje me aspektet e qëndrueshmërisë; strategji dhe plane veprimi këto që synohen të implementohen edhe në institucionet e arsimit të lartë në vendet e Ballkanit Perëndimor.

Ditët në vijim u zhvilluan gjithashtu takime mbi progresin e projektit, që nga vlerësimi i aktiviteteve të organizuara, detyrat, rezultatet e deri te përcaktimi i objektivave të mëtejshme.

Prezantimi i platformës 1Future (https://www.1future-platform.com/) ishte një tjetër pikë e rëndësishme, e cila do të shërbejë për të forcuar bashkëpunimin ndërmjet universiteteve, sipërmarrjeve dhe studentëve.

Për të siguruar avantazh konkurrues më afatgjatë, është thelbësore tashmë që bizneset ta perceptojnë aktivitetin e tyre ekonomik si pjesë të shoqërisë, duke krijuar alternativa të reja dhe duke përqafuar praktikat më të mira të qëndrueshmërisë.