VIZITË NË FABRIKË E VAJIT TË ULLIRIT “MUSAI SH.P.K”– VLORË
7 QERSHOR 2019-VLORË
Me datë 7 Qershor 2019, stafi i projektit BIOECO-R.D.I zhvilloi një vizitë në fabrikën moderne të vajit të ullirit ” Musai sh.p.k” që ndodhet në Skrofotinë, Vlorë, për t’u njohur me mënyrën e prodhimit të vajit të ullirit ekstra të virgjër dhe përdorimin e biomasës që gjenerohet gjatë prodhimit të vajit.
Fabrika dallohej për kushtet shumë të mira të punës falë investimeve të reja të bëra në përputhje standartet evropiane. Administratori i kompanisë z.Vesaf Musai ofroi një tur shumë interesant në ambjentet e kompanisë së tij duke shpjeguar:
Së pari, procedurat aktuale të ekstraktimit së vajit të ullirit ekstra të virgjër nga ullinjtë vendas kalinjot. Ai theksoi faktin se vaji i ullirit i markës “MUSAI” dallohet si një vaj ulliri i virgjër dhe ekstra i virgjër me cilësi të lartë. Ky është një produkt i çertifikuar si organik (bio) nga Instituti Italian për Çertifikim Etik dhe Mjedisor (ICEA). Për vlerat që mbart, produkti i kompanisë ka fituar në kompeticione të ndryshme kombëtare dhe ndërkombëtare disa çmime si:
- Çmimi të I-rë
- Çmimi të II-të
- Çmimi të III-të
- Medalje të Argjendtë
- Medalje të Artë
- BIOL Shqipëri
Së dytë, mënyrën e tharjes dhe përdorimit të biomasës së ullirit të ashtuquajtur bërsi ulliri e cila gjenerohet nga procesi i ekstraktimit të vajit të ullirit. Në të vërtetë, theksoi z. Musai bërsia përdoret më së shumti në formë të tharë, në furra për të ngrohur ujin për procesin e nxjerrjes së vajit dhe se format e reja/inovative të përdorimit të bërsisë nuk janë shumë të njohura në Shqipëri.
Stafi i projektit i prezantoi z. Musai planin e veprimit në kuadër projekti i cili ka nisur implementimin pikërisht për format inovative të përdorimit të bërsisë së ullirit, për të cilat të dyja palët u dakordësuan për bashkëpunim reciprok.
