Mbahet takimi i radhës në kuadër të projektit RAPPORT, theksohet rëndësia e soft skills
Në kuadër të projektit RAPPORT, i bashkëfinancuar nga Bashkimi Europian, u zhvillua takimi i radhës, i dedikuar për zhvillimin e aftësive të buta (soft skills) të pjesëmarrësve.
Gjatë takimit, ku Dhoma e Tregtisë dhe Industrisë, Tiranë është partnere, u diskutua roli thelbësor i këtyre aftësive në komunikim, bashkëpunim dhe në aftësinë për t’u përshtatur në situata të ndryshme, si në mjedisin profesional ashtu edhe në jetën e përditshme.
Pjesëmarrësit morën pjesë edhe në punë në grupe, ku analizuan praktikat më të mira dhe ndanë përvoja konkrete mbi rëndësinë e “soft skills” në bashkëpunimin dhe menaxhimin e sfidave të ndryshme.
Takimi shërbeu për të rritur ndërgjegjësimin mbi nevojën e zhvillimit të aftësive ndërpersonale dhe për të nxitur bashkëpunimin mes pjesëmarrësve.
Me anë të projektit, RAPPORT synohet ngritja e kapaciteteve, transferimi i njohurive, digjitalizimi dhe qëndrueshmëria që lidhen me arsimin, inovacionin dhe zhvillimin e qëndrueshëm.
Objektivi është të kontribuojë në zhvillimin e gatishmërisë së arsimit digjital në fushën e arsimit të lartë në Ballkanin Perëndimor dhe forcimin e lidhjeve me sektorin industrial.
