DHTIT takim me përfaqësues të Dhomës së Tregtisë së Salzburgut

Një delegacion nga Dhoma e Tregtisë e Salzburgut u mirëprit sot në takim nga zv.kryetari i Dhomës së Tregtisë dhe Industrisë Tiranë, Loritan Prespa.

Bashkërendimi i agjendave të përbashkëta në interes të sipërmarrjeve të të dyja vendeve, organizimi i trajnimeve në fushën profesionale dhe hartimi i hapave konkretë të bashkëpunimit, ishin disa nga temat në të cilën u përqendrua biseda.

Përfaqësuesi i Dhomës së Salzburgut, z. Dietmar Hufnagl shprehu vullnetin dhe angazhimin për konkretizimin e bashkëpunimit, kryesisht në sektorin e turizimit dhe atë të ICT.