Kryetari Jaka merr pjesë në hapjen e zyrës së përfaqësisë së MÜSİAD-it në Shqipëri

Kryetari i Dhomës së Tregtisë dhe Industrisë Tiranë, z.Nikolin Jaka ishte i ftuar në mbrëmjen gala të organizuar nga MUSIAD Albania, me rastin e hapjes së degës së saj në Shqipëri.

Prezenca e Shoqatës së Industrialistëve dhe Biznesmenëve të Pavarur nga Türkiye në vendin tonë premton të ndihmojë në forcimin e partneritetit mes dy institucioneve tona, duke i hapur rrugë projekteve dhe iniciativave të ardhshme në sektorë të ndryshëm, me synim nxitjen e sipërmarrjeve inovative dhe krijimin e mundësive të reja për bizneset shqiptare dhe turke.