Circular Tourism Albania/ DHTIT merr pjesë në takimin me partnerët në Vlorë

Dhoma e Tregtisë dhe Industrisë, Tiranë mori pjesë në mbledhjen transnacionale të partnerëve në kuadër të projektit “Circular Tourism Albania”, e organizuar nga Qendra e Formimit Profesional, Vlorë.

Takimi u fokusua në diskutimin e hapave të ardhshëm për zhvillimin e kornizës së ngritjes së kapaciteteve dhe hartimin e një kursi të ri trajnimi, të cilët synojnë integrimin e parimeve të ekonomisë rrethore në arsimin dhe praktikat turistike.

Pjesëmarrja në terren ofroi një panoramë të qartë mbi sfidat aktuale të zhvillimit të shpejtë, presionin mbi burimet natyrore dhe menaxhimin e mbeturinave, duke theksuar rëndësinë e zgjidhjeve ciklike.

Në të njëjtën kohë, u evidentua potenciali i madh që ofrojnë prodhuesit lokalë, zinxhirët e shkurtër të furnizimit dhe traditat e forta komunitare në mbështetje të circularitetit.

DHTI–Tiranë mbetet e angazhuar në promovimin e qëndrueshmërisë dhe forcimin e kapaciteteve të aktorëve të turizmit përmes bashkëpunimeve konkrete dhe vizionare, duke kontribuar aktivisht në ndërtimin e një sektori turistik më të qëndrueshëm dhe inovativ.