Jaka: Forcat politike të përfshijnë biznesin në programet e tyre
Biznesi ka paraqitur sot një projekt propozim me disa kërkesa drejtuar forcave politike për përfshirje në programet elektorale si dhe zbatimin e tyre nga qeveria e ardhshme. Kreu i dhomës së Tregëtisë dhe Industrisë Nikolin Jaka paraqiti edhe kërkesat drejtuar forcave politike. Ja kërkesat e plota të Biznesit
- Shlyerja e detyrimeve të qeverisë ndaj sipërmarrjes private në të gjitha fushat e ekonomisë ku ekziston kjo marrëdhënie..
- Rimbursimi i TVSH, akcizave si dhe të gjithë taksave të tjera që buxheti i shtetit mund ti ketë sipërmarrjes private gjate ushtrimit te aktivitetit te saj brenda afatit 3 mujor. Kjo te realizohet duke bere nderhyrjet e nevojshme ligjore.
- Heqja e barrierave dhe taksave të fshehura që pengojnë promovimin e produkteve Made in Albania për eksport.
- Heqja e sistemit të referencave ndaj sipërmarrjes private për import -eksport me të gjithë vendet e BE-së.
- Heqja e sistemit të referencave ndaj sipërmarrjes private në sistemin fiskal.
- TVSH jo më e lartë se 10 për qind për produktet bujqësore, blegtorale vendase si dhe shërbimet turistike.
- Hapja e bankës ekonomike për zhvillim me fokus kreditimin e sipërmarrjes private me tarifa të reduktuara.
- Heqja e TVSH-së për të gjithë makineritë dhe pajisjet që i nënshtrohen skemës së rimbursimit të TVSH-së dhe që i shërbejnë aktivitetit të sipërmarrjes private.
- Aplikimi i TVSH-së në të gjithë qarkullimin tregtar duke hequr kufirin e ndarjes së bizneseve.
- Platformë e qartë lidhur me trajtimin e kredive të këqija deri në ngrirjen e tyre për një afat dy vjecar.
- Lidhur me transportin rrugor kërkohet:
1. a. Heqja e TVSH-se për abonetë dhe biletat.
b. Heqja e akcizës për karburantin.
c. Rimbursimi në kohë i transportit të të gjithë kategorive të qytetarëve që përfitojnë me ligj fiskal këtë shërbim
d. Rishikimi i cmimit të biletës urbane duke përdorur metodën e krahasimit me vendet e rajonit (Maqedoni, Mali i Zi, Kosovë)
e. Heqja e TVSh-së për të gjithë artikujt që shërbejnë si lëndë e parë për prodhimin e plasmasit dhe produketeve të tjera që janë në shërbim të sektorit bujqësor .
